بەرنامەیێ ڤەگەڕاندنا ئاوارەیان دێ دەستپێكەت
دلڤین رەشید:
رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ بۆ رۆژناما ئەڤرۆ دیاركر، بەرنامێ ڤەگەڕاندنا ئاوارەیان ژ كەمپان بۆ سەر جهـ و وارێن وان ل شنگالێ دوبارە دێ دەستپێكەت.
پیر دەیان جەعفەر، رێڤەبەرێ كۆچ و كۆچبەران و بەرسڤدانا قەیرانان گۆت: «ل كەمپێن ئاوارەیان دێ دەست ب تۆماركرنا ناڤان هێتە كرن ژ بۆ وان ئاوارەیێن حەزا ڤەگەڕیانێ بۆ شنگالێ هەی، ب تایبەت ژی ئەوێن ئاكنجیێن كۆمەلگەها گرعزێر و سیبا شێخ خدر و سكینیێ و چەندین دەڤەرێن دی یێن سەر ب شنگالێ ڤە».
گوتژی: «هەر ئاوارەیەكێ بڤێت ڤەگەڕیت، دشێت ناڤێ خۆ تۆكار بكەت، ئەڤ پرۆسێسە ب هەڤكاری دگەل دەزگەهێ خێرخوازی یێ بارزانی و رێكخراوێن هاریكاریا ڤەگەڕیانا ئاوارەیان بۆ شنگالێ دكەن، دێ هێتە ئەنجامدان».
