کارەبا ئامێدیێ دێ بیتە 24 دەمژمێری
ئەڤرۆ نیوز، مەحمود نهێلی
بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیار کر، ژ بەر داخازا پرانیا خەلکێ دەڤەرێ بریار هاتە دان کو بەرنامەیێ کارکرنا موەلیدەیان بهێتە گهورین.
ئەندازیار هەکار ئامێدی بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیارکر، ژ بەر گەرمبوونا سەقای و بلندبوونا پلێن گەرمێ و ل سەر داخازیا پرانیا خەلکی دەڤەرێ، مە ب هەڤکاری ل گەل کارگێریا دەڤەرێ بریار دا بەرنامەیێ کارکرنا موەلیدەیا بهێتە گهورین و گۆت؛ بەرنامەیێ کارکرنا موەلیدەین بەری نوکە 18 دەمژمێر بوون و ئەڤرۆ و وێڤە دێ بیتە 24 دەمژمێری و هەر دەمەکی کارەبا نیشیمانی هاتە برین پێدڤیە یەکسەر موەلیدە کار بکەت و پێدڤیە هەموو خودانێن موەلیدەیان پێگیر بن ب ڤی خشتەیێ نوو یێ 24 دمژمێری.
