بەرنامەیەكێ نوو بۆ هەیڤا رەمەزانێ هەیە
دلڤین رەشید:
مەدیاكار (میدیا كەمال) د دیدارەكێ دا بۆ رۆژناما ئەڤرۆ گۆت: نوكە ئەز قوتابیا زانكۆیا پۆلیتەكنیك/پشكا تەكنیكی و راگەهاندنێ مە ل دهۆكێ، نێزیكی چارسالانە ل كەنالێ وار تیڤی كاردكەم، وێستگەها من یا ئێكێ ل كەنالێ ناڤبری بوو وەك ئامادەكار و پەیامنێر، هەروەسا چەندین كار من بۆ پشكا زارۆیان كرینە و نوكە بۆ هەیڤا رەمەزانێ مژوولی بەرنامەیەكی نوومە.
میدیایێ گۆت: راگەهاندنێ گەلەك گۆهۆڕین ل سەر ژیانا من پەیداكرینە، ب تایبەت ژی ژلایێ پراكتیكی ڤە، كو بشێم زێدەتر خزمەتا خەلكێ خوە بكەم،چنكو راگەهاندن ئێك ژ خەونێن من بوو من شیا بگەهمە ئارمانجا خوە و دقوناغا نوكەدا نابینم گەلەك ئاستەنگ هەبن درێیا ئافرەتێن راگەهاندنكار دا، لەورا گرنگە ئەو كەسێن دبۆاری راگەهاندنێ كاردكەن زێدەتر ل سەر شیانێن خوە كار بكەن، هەكە خوە ئاستەنگ ژی هەبن چنكو هێز و ئیرادەیا مرۆڤی دبیتە ئەگەرێ شكاندنا ئاستەنگان و مرۆڤی بەرب رێكێن سەركەڤتنێ ڤە دبەت و مالبات و هەڤال و ماموستاێن من پشتەڤانێن من یێن سەرەكی بوون كو هیشتا ئەز قوتابی ل پەیمانگەهی بچم دبۆارێ راگەهاندنێ دا كار بكەم.
