بەرنامەیەک بۆ دەستپێکرنا خول و قارەمانیێن باسکێت بۆلێ دهێتە دانان
د داخویانەکێ دا ئەندامێ فدراسیۆنا باسکێت بۆلا ئیراقێ دیارکر پشتی کۆمبوون دگەل ١٢ یانەیێن پشکدار د خولا پیشەکارێن ئیراقێ دا هاتیە کرن ژبۆ دانانا سیستەمەکێ نوو یێ چاوانییا بڕێڤەبەرنا وەرزێ نوو یێ خولێ، د نوکە دا کار ل سەر دانانا بەرنامەیەکێ ڕێکخستی بۆ ڤەگەڕاندنا خول و قارەمانیێن دی یێن یارییا باسکێت بۆلێ ل ئیراقێ و کوردستانێ.
زێدەتر د.عەلی ئەحمەد بۆ رۆژنامەیا ئەڤرۆ گۆت: پشتی ئەم فەرمی هاتینە دەستنیشانکرن بڕێیا هەلبژارتنان ئێکەم پێنگاڤا مە ڤەگەڕاندنا هەموو خول و قارەمانیێن ل سەر ئاستێ ئیراقێ و دەرڤە ژی دا کو بۆ خولێن پیشەکاران، نایاب، ئاستێ کچان و تازەپێگەهشتی و لاوان، ئەڤچەندە ژی هات پشتی ڤەقەتیانەکا درێژ ژبەر کاودانێن جودا، هەروەسان پلان هاتیە دانان د ئەڤ سالە دا چەند قارەمانی هەبن ژبۆ هندێ لڤینەک بکەڤیتە ڤێ وەرزشێ و یاریزان بێ ئۆمێد نەمینن.
ژلایەکێ دووڤە ناڤهاتی گۆت: د کۆمبوونا بۆری دا چەندین پێشنیار لسەر چاوانییا بڕێڤەبرنا وەرزێ نوو هاتییە کرن، ژبەرکو دەم یێ کورتە و ١٢ یانە پشکداری خولا پیشەکارانە هێشتا دیار نینە دێ خول چ شێواز هێتە بڕێڤەبرن و دبیت بزەحمەت بیت شێوازێ خول دو قووناغ ، هەروەسان مە ل سەر ئاستێ نایاب، لاوان و کچان ژی هەنە، دنوکە دا ئەم یێ پلان و بەرنامەیان دانین و دێ دگەل لژنەیا ئۆلمپییا ئیراقێ گەنگەشێ ل سەر ئەوی بەرنامەیی کەین ژبۆ پشتەڤانییا مە.
