بەرهەمئینانا چاندنێ د كابینەیا نەهێ دا بۆ 10% زێدەبوویە
رەمەزان زەكەریا:
فەرمانگەها میدیا و زانیاری ل حكومەتا هەرێما كوردستانێ راگەهاند، بۆ بهێزكرنا ژێرخانا خوارنێ و پیشەسازیێ و پشتەڤانیا بەرهەمێ ناڤخۆیی، كابینەیا نەهێ ب دەهان پڕۆژە وەك: سایلۆ، كارگەهـ، خانوویێن پلاستیكی، ساركەر، بجهئیناینە.
ئاشكرا ژی كریە كو كابینەیا نەهێ چار سایلۆ مینا: سایلۆیێن هەولێر، سلێمانی، دهۆك و هەلەبچە ب گوژمێ 84 ملیار دیناران دروستكرینە، هەروەسا چەندین سایلۆ ژی د قووناغا بجهئینانێ دانە، وەكو: سایلۆیێن دهۆك، زاخۆ، كفری، كۆیە، هەریر.
فەرمانگەها میدیا و زانیاری خویا ژی كریە كو یازدە هزار و 105 كۆمپانیان مۆلەت وەرگرتیە و 319 ساركەر هاتینە دامەزراندن و 30 هزار خانوویێن پلاستیكی هاتینە دروستكرن و هزار و 257 كارگەهـ دەست ب كاربووینە.
گەشەیا بیاڤێ ئاسایشا خوارنێ و پیشەسازیێ بوویە هۆكارێ وێ چەندێ بەرهەمئینانا چاندنێ بۆ 10% بلند ببیت.
