بەرهەمێن خوە رەوانەی ژ دەرڤەی وەلاتی دكەت
عەزیز هەورامی:
بەنان عەلی حەمە، خانمەكا خەلكا هەلەبجەیە، پشتی زانكۆ ب دووماهی ئینای و دەلیڤا دامەزراندنێ نەبووی رابوویە ب چێكرنا هندەك كارێن دەستی و ب گۆتنا وێ داهاتەك بۆ ژێ دهێت و هەتا رادەیەكی دشێت هاریكاریا مالا خوە بكەت.
ناڤهاتیێ، د دیدارەكێ دا بۆ رۆژناما ئەڤرۆ گۆت: ئەڤە دەمەكە ئەز هندەك تشتا چێدكەم، وەك ئیكسسوارات و نەخشاندنا چانتات و چێكرنا رستكان و هندەك تشتێن دی، كو هندەك ژوان گرێدای جوانكاریانە، هەروەسا ل دەمێ بۆری من هندەك كچ و ژن فێری ڤی كاری كرینە، نوكە ئەو ژی خودانكارن و داهاتەكی ب دەستڤەدئینن، دەرباری بەرهەمێن من ئەز پتر ب چێكرن و نەخشاندنا چانتان یا بەرنیاسم و چاتنێن ئەز چێدكەم داخوازی ل ناڤ هەرێمێ و ژدەرڤەی هەرێمێ ل سەر هەنە و چانتێن زارۆیان ب دەه هزار دینارانە و یێن مەزنان ب هەژدە هەتا سیه و پێنج هزار دینارانە.
