بەرهەمێن سۆتەمەنیێ ب تەمامی دگەهنە دهۆكێ و مەترسی نینە
دهۆك، لەزگین جۆقی:
رێڤەبەرێ نەفت و كانزایان ل پارێزگەها دهۆكێ دیار كر، هەتا نوكە چو گوهۆڕین د بهایێ سۆتەمەنیێ (نەفت، پانزین، گاز و غاز)ێ دا چێ نەبووینە و بهایێ وان یێ جێگیرە.
كارزان رەئوف، رێڤەبەرێ نەفت و كانزایان ئاشكرا ژی كر، پشكا پارێزگەها دهۆكێ ژ بەرهەمێن سۆتەمەنیێ ب تەمامی گەهشتیە و چو گوهۆڕین ب سەر دا نەهاتینە.
د پشكەكا دی یا ئاخڤتنێن خۆ دا، ناڤبری داخواز ژ وەلاتیان كر كو چو جۆرە قەرەبالغیەكێ ل سەر وەستگەهێن پانزینێ و جهێن بەلاڤكرنا غازێ دروست نەكەن، چونكی چو گوهۆڕین د بها و رێژەیا سۆتەمەنیێ دا نەهاتینە كرن و پرۆسەیا بەلاڤكرنێ ب ئاوایەكێ ئاسایی بەردەوامە.
