بەرهەمێن (100) مامۆستایان د پێشانگەهەكێ دا دێ هێنە نیشادان
هەرهین محەمەد:
رێڤەبەریا گشتی یا پەروەردا پارێزگەها دهۆكێ، ب هەڤكاری ل گەل رێڤەبەریا چالاكێن قوتابخانەیان/ پشكا كارێن دەستی و ل ژێر چاڤدێریا عومەر عەلی تاها رێڤەبەرێ گشتی یێ پەروەردا پارێزگەها دهۆكێ، پشكا كارێن دەستی ل بەرە ئەڤرۆ ل دەمژمێر دەهی سپێدێ ل هولا گەلەریا چالاكێن قوتابخانەیان پێشانگەها كارێن دەستی بۆ بیست ماموستایان ڤەكەت.
بێوار عەلی بداخ، رێڤەبەرێ چالاكیێن قوتابخانەیان ل دهۆكێ، د دیدارەكێ دا بۆ رۆژناما ئەڤرۆ گۆت: ئەڤ چالاكیە بۆ دەمێ شەش سالان بوو نەهاتیەكرن و ئەڤ سالە بۆ بیست ماموستایێن پارێزگەها دهۆكێ هاتینە ڤەكرن و هندەك ماموستا یێن ئاكری و شێخان ژی نە و د ئەڤێ خولێ دا سێ جۆرێن كارێن دەستی نە وەكو سیرامیك و چێكرنا كەڤالی ل سەر شویشەی و سوتنا داری و سێ راهێنەر هەبوون و سوپاسیا وان ماموستایان دكەم یێن كو پشكداری ڤێ خولی بووین و شیاین كاری َوان د پێشانگەهەكێ دا نیشابدەین و مەرەم ژ ڤەكرنا ڤێ خۆلێ بۆ ماموستایان وانا هونەری ئەوە پتر هاندانا وان بهێتەكرن ل سەر كارێن دەستی و ئەو هزرا نیشا قوتابیان بدەن.
