بەرهەمێ ماسیێن ناڤخۆ پێدڤیێن وەلاتیان پڕدكەن
سولین سلێمان
ب مەرەما زێدەتر گرنگیدان ب بەرهەمێن ناڤخۆ، پێنڤیێن وەلاتیان پردكەن نێزیكی 70%ێ و وەزارەتا چاندنێ ژی دبێژیت: پرۆژێن ل هەرێما كوردستانێ مۆلەت هەنە زێدەتری 400 پرۆژانە و بەرهەمێ وانا پتری چار هزار تەنێن ماسیانە، ئەڤە ژبلی ئەو ماسیێن مۆلەت نینە، ئەو ژی پتری هەشت هزار تەنان بەرهەمێ ناڤخۆ دابن دكەن.
سیروان سەعید بەرپرسێ سامانێن ماسیان ل وەزارەتا چاندن و ژێدەرێن ئاڤێ ل هەرێما كوردستانێ بۆ رۆژناما ئەڤرۆ گۆت: خوشبەختانە سامانێن ماسیان ل هەرێما كوردستانێ بەردەوام د زێدەبۆنێدانە و وان پرۆژا شیایە پێتڤیێن ناڤخۆ پربكەن و گۆت: پرۆژێن ل هەرێما كوردستانێ مۆلەت هەنە زێدەتری 400 پرۆژانە و بەرهەمێ وانا پتری چار هزار تەنێن ماسیانە، ئەڤە ژبلی ئەو ماسیێن مۆلەت نینە، ئەو ژی پتری هەشت هزار تەنان بەرهەمێ ناڤخۆ دابن دكەن.
ئاماژە كر ”پرۆژەیێن ماسیان ل دۆر قەبارێ خۆ دشێت ماسیان بەرهەم بینیت و بێخیتە بازاری، لێ ژبەر ئەو ماسیێن ژ دەرڤە هاوردە دهێنە كرن خودان پرۆژێن ماسیێن ناڤخۆ ب تمامی نەشیاینە وان ماسیێن خۆ ل بازاری ساخڤەكەن، ئەڤجا یا پێدڤیە هاوردەكرنا وان ماسیان ژ دەرڤە بهێتە قەدەغەكرن، دا كو خودان پرۆژێن ماسیان بشێن قازانجی ل ماسیێن خۆ بكەن.
ئاشكراژی كر”ب گشتی ل هەرێما كوردستانێ سالانە پێدڤی ب 13 هزار تەنێن بەرهەمێن ماسیان ژ بۆ پركرنا پێدڤیێن ناڤخۆ هەنە، دیسا ژی د نۆكە دا مەزنترین پرۆژێ ماسیان دكەڤیتە پارێزگەها دهۆكێ و ئەگەر بهێتە تمام كرن، هەرێما كوردستانێ پێتڤی ب هاوردەكرنا ماسیان ژ دەرڤەی وەلاتی نابیت، بەروڤاژی دێ شێت ئەو ب خۆ وان ماسیێن ناڤخو ڤرێكەتە دەرڤەی وەلاتی.
عەبدوڵا كەریم خودان حەوزا ماسیانە ل هەولێرێ بۆ رۆژناما ئەڤرۆ گۆت: پتری 10 سالانە ئەز ماسیان ب خودان دكەم، من پارەكێ زۆر ل پرۆژێ خۆ مەزاختیە، هەر چەندە ل دەسپێكێ تووشی زەرەرێ بوم، لێ پاشی شیام ل سەر پێت خۆ راوەستم و كارێ خو بەرەڤ پێش ببەم، هیڤیدارین حوكمەتا هەرێما كوردستانێ ئینانا ماسیان ژ دەرڤە راوەستینیت و پتر گرنگیێ ب بەرهەمێن مە یێن ناڤخۆ بدەن دا كو ئەم ژی پتر بشێین ماسیان بەرهەم بینین.
