بەرهەمێ گولبەرۆژان ل دەشتا ناڤكوڕێ گەهشت
بێوار حسێن زێباری
دەشتا ناڤكۆرێ یا دەولەمەندە بۆ بەرهەمێن چاندنێ و ئێك زەڤیا ئەردی سالێ دكارن بۆ دوو سێ جۆرێن بەرهەمی بكاربین یێن ژێك جودا، ئەڤ سالە ژی چاندنەكا باش بۆ گوڵەبەڕۆژیێ هاتبوو كرن و نوكە بەرهەمێ بەرهەڤی دهێنە كرن بۆ ناڤا بازاڕی دا .
شاهین سالح ئێكە ژ جوتیارێن ناحیا رۆڤیا ب سەر قەزا بەردەرەش ڤە گۆت: خەلكێ مە ئەردێن باش هەنە و باران باش ژی دبن پتر جوتیار یێ ب زەوقە، چونكو وێ سالێ دێ بەرهەم و ئاڤەك باش ژی هەبیت، لەوما ئەم ژی بەردەوام كار دكەین دناڤا زەڤیێن خودا سالێ ژی دەلیڤە هەبوو ئەم ئێك دوو یا پتر ژ بەرهەمی چاندنێ.
زیدەتر جوتیاری گۆت: دخوازین پتر هاریكاریا مە بهێتە كرن وەك پێدڤیێن چاندنێ بۆ هندێ بكارین بەرهەمەكێ باشتر بێخینە دناڤا بازاری دا و دیسا ژی خواستەكا باش ژی ل سەر گوڵەبەڕۆژان هەیە و ئەگەر زۆرا جوان بیت بهایێ وێ دبیت نێزیكی چوار هزارن بۆ سێ هزار و 500 دیناران بی،ت ل ڤان دەورانە و ل سەر بازاڕێ رۆژێ ژی دمینیت و كریا و فرۆشیاری ژی ئەگەر بزانن دێ ب بهایەكێ باش فرۆشن.
باقی عەبدولكەریم ئێكە ژ كریارێن دەڤەرێ ژی كۆ سالانە بەرهەمێن جودا جودا بۆ دهێن یێن نافخۆیی ئەو بەرهەم ژی هندی یێ جوان بیت دێ بهایەكێ پتر بێهێت و دهێتە رەوانەكرن بۆ باژێرین دیتر نە ب تنێ ل ڤێرە كرین و فرۆتن پێ دهێنە كرن.
شارەزایەكێ چاندنێ ژی ب ناڤێ دلگش خالد ئاشكرا كر، چاندن نە ب تنێ بهایەكە بدەستخۆڤە بینت، بەلكۆ دڤێت پتر كار و كریار ل سەر بهێتە كرن بۆ هندێ دا بەرهەمێ خۆمالی ژی جهێ خوە بگریت پتر ژ یێ بیانی دناڤا بازاڕی دا و دڤێت ب زانستیانە ژی كار ل سەر بەهەمی چاندنێ بهێتە كرن و گوڵەبەرۆژ ژی بەرهەمەكێ باش سالانە دكەڤیتە د دەستێ جوتیاران دا و هەر سال ژی ب بهایەكێ جودا كرین و فرۆتن پێ دهێتە كرن.
