بەرهەڤین ژ بۆ راگرتنا شەڕی دانوستاندنان بکەین
ڤیلادەمیر پۆتین سەرۆکێ رۆسیا بۆ دەزگەهێن راگەهاندنا وەلاتێ خوە دیار کر، پشتی کو دۆنالد ترامپ وەکو سەرۆکێ ئەمریکا دەست ب کارێ خوە بکەت وەکو رۆسیا ئەم بەرهەڤین ژ بۆ راگرتنا شەڕێ ل گەل ئۆکرانیایێ ل گەل ترامپی دانوستاندنان بکەین، لێ ئیدارا بایدنی چو نیەتەک وەسا نینە و ژ بۆ ڤێ یەکێ ژی وەکو رۆسیا هەتا نها وان چو داخوازیەک ژ ئیدارا بایدنی نەکرینە.
پۆتینی ئەو یەک ژی دیار کر، وەکو رۆسیا وان شیاینە ل ئۆکرانیایێ بگەهنە گەلەک ئارمانجێن خوە، لێ مخابن ئەمریکا و هندەک وەلاتیێن رۆژئاڤایی هەتا نها ژی راستییا هەی قەبوول ناکەن و وان دڤێت ژ بۆ بەرژەوەندیێن خوە شەڕێ نها ل ئۆکرانیایێ بەردەوام بیت، لێ وەکو رۆسیا ئەو بەرهەڤن دەمێ دۆنالد ترامپ دەست ب کارێ خوە بکەت ل گەل وی دانوستاندنان بکەن دا شەڕێ نها د ناڤبەرا رۆسیا و ئۆکرانیایێ دا ب دووماهی بهێت.
