بەرهەڤی بۆ قۆناغەکا دی یا ئاشتیێ ل تورکیا دهێتە کرن
ئەڤرۆ نیۆز، هۆشەنگ تاجر:
عەلی دورماز چاڤدێرێ سیاسی ل باکورێ کوردستانێ بۆ ئەڤرۆ نیۆز دیار کر کو ل رۆژێن ٢٢ و ٢٣ ڤێ مەهێ ل باژێرێ ئۆسلۆ یێ پایتەختێ وەلاتێ نەرویج مرۆڤێن عاقل یێن کو بەری نها ل تورکیا کار بۆ چارەکرنا پرسا کوردی کرن لێ پاشی ژ بەر شەری کارێ وان هاتە راگرتن نها ل نەرویجێ جارەکا دی بەرهەڤیان بۆ دەستپێکرنا قۆناغا ئاشتیێ و چارەکرنا پرسا کوردی ل تورکیا دکەن.
ناڤهاتی ئەو یەک ژی دیار کو گەلەک کەسێن ناڤدار د کۆمبوونێ دا بەرهەڤ بووینە و دیار کرینە کو ب شەری پرسا کوردی ل تورکیا ناهێتە چارەکرن و حوکمەت ژی نەشێت هەتا هەتای ل هەمبەر ماف و داخوازیێن کوردان بێدەنگ بیت و دڤێت جارەکا دی کار بۆ ئاشتێ و راگرتنا شەری بهێتە کرن و گۆت: (ل گۆر باوەریا من حوکمەتا تورکیا ژ کۆمبوونا نەرویجێ ئاگەهدارە و گەلەک کەس دبێژن بەرهەڤی بۆ قۆناغەکا دی یا ئاشتیێ و چارەکرنا پرسا کوردی ل تورکیا دهێتە کرن، وەلاتیێن تورکیا ب کورد و تورکان ژی ناخوازن ئێدی شەر هەبیت و هەموویان ئاشتی و چارەسەری دڤێت).
