بەرهەڤی بۆ لێدانا ئیرانێ دهێنە کرن
بسپۆرەکێ سەربازی و ئەندامێ ناڤەندا ڤەکۆلینێن ستراتیژی یێ ئەمریکا دیار دکەت، د چەند رۆژێن بۆری دا ئەمریکا گەلەک فرۆکەیێن سەربازی رەوانەی رۆژهەلاتا ناڤین کرینە و هەروەسا ئسرائیلێ ژی گەلەک چەکێن گران و پێشکەفتی ژ ئەمریکا وەرگرتینە و نها بەرهەڤی بۆ لێدانا ئیرانێ دهێنە کرن.
دان رینی ئەو یەک ژی دیار کریە، ترامپ ژ رۆسیا بێ هیڤی بوویە و نها چەکێن گران ددەتە ئۆکرانیایێ، هەروەسا دانوستاندنێن ئەمریکا و ئیرانێ ژی دەمەکە هاتینە راگرتن و بریارا ڤێ دووماهیێ یا نەتەوەیێن ئێکگرتی بۆ ڤەگەراندنا سزایێن گران یێن ل سەر ئیرانێ ژی دەلیڤەیەکا باشە دا ئەمریکا و ئسرائیلێ جارەکا دی پێکڤە ئێرشی ئیرانێ بکەن.
ل ئالیێ دی رۆژنامەیا کەیهان یا ئیرانێ کو سەر ب رێبەرێ وی وەلاتی یە، دوهی د راپۆرتەکێ دا دیار کر، بەرهەڤی بۆ لێدانا ئیرانێ دهێنە کرن.