بەرپرسه‌ك دەست ژ کارێ خوە بەر دده‌ت
ئامێدیێ، مەحمود نهێلی:
بەرپرسا نڤیسینگەها گەشت و گوزاری ل ئامێدیێ بۆ ئەڤرۆ نیوز دیار کر، کو وێ دەست ژ کارێ خوە بەردایە و تا نوکە ژی ب فەرمی دەوام ل چ دەزگەهەکی دی نەکریە.
نەشمین شوکری بەرپرسا بەرێ یا نڤیسینگەها گەشت و گوزاری ل ئامێدیێ بۆ ئەڤرۆ نیوز دیار کر کو وێ ژ بەر چەند ئەگەرەکان دەست ژ کارێ خوە بەردایە و گۆت: من ب خوە دەست ژ کار بەردایە و بێ چ گڤاشتن یان ژی ب ئەمرێ چ کەسەکی بیت و ب حەزا خوە من ئەڤ چەندە کریە کو پەیوەندی ب من بخوەڤە هەیە.
ناڤبریێ ئەگەرێ دەست ژ کار بەردانا خوە دیار نەکر و گۆت: من نەڤێت د نوکە دا ئەز ئەگەرێن دەست ژ کار کێشانا خوە دیار کەم بتنێ من دڤیا دیار کەم کو دەست ژ کێشانا من ژ بەر چەند ئەگەرەکان بوویە.