بەرپرسێن ئیرانێ دترسن ڤێجارێ دەستهەلاتا وان ژناڤ بچیت
ئەڤرۆ نیوز، هۆشەنگ تاجر:
مامۆستایەکێ زانکۆیێ ل رۆژهەلاتێ کوردستانێ کو نەخواست ناڤێ خوە ئاشکرا بکەت بۆ ئەڤرۆ نیوز دیار کر کو دەمەکە بەرپرسێن ئیرانێ ئاماژە ب مەترسیا سەرهلدانێن خەلکی و ژناڤچوونا دەستهەلاتا خوە دکەن و بەری نها فایزە هاشمی کچا سەرۆک کۆمارێ بەرێ یێ ئیرانێ و چەندین کەسێن دی ئاماژە ب ژناڤچوونا دەستهەلاتا نها یا ئیرانێ کرن.
ناڤهاتی گۆت ژی کو چەند رۆژن خوەنیشادانێن قوتابیێن زانکۆیێ ل ئیرانێ دەستپێکریە و پرانیا وەلاتیان ژی پشتەڤانیێ ل وان دکەن و بەرپرسێن ئیرانێ ژی دبێژن هەکە ئەم دەست ب گوهۆرینان نەکەین دێ سیستەمێ نها ژناڤ چیت، لێ ب گوهۆرینان ژی نەشێن سیستەمی قورتال کەن.
