بەرپرسێن ئیرانێ ژ خوەنیشادانێن جەماوەری دترسن
ئەڤرۆ نیوز:
حسامەدین ئاشنا شیرەتکارێ سەرۆک کۆمارێ ئیرانێ راگەهاند خوەنیشادانێن سالا بۆری ل ئیرانێ بێگومان مەزن بوون و کارتێکرنا خوە ل گەلەک بیاڤێن ژیانێ کرن، هەتا نها ژی زەمینا وان خوەنیشادانان ژناڤ نەچووینە و مەترسیا هندێ ژی یا هەی کو دیسان خوەنیشادانان ل ئیرانێ دەستپێ بکەن و دڤێت هەموو دەزگەهێن دەولەتێ بۆ هەر پێشهاتەکێ د بەرهەڤ بن.
شیرەتکارێ رۆحانی ئەو یەک ژی دیار کر کو هەتا سیستەمێ نها ل سەر رێیا ئیسلامێ بەردەوام بیت بێگومان ژناڤ ناچیت، لێ نابیت ئەم رێ بدەین هندەک هێزێن دەرڤە ئالۆزیان ل وەلاتێ مە دروست بکەن.
