بەرپرسێن لوبنانێ ژ سیاسەتا ئیرانێ دلگرانن
بەرپرسەکێ لوبنانێ کو نەخواستیە ناڤێ وی بهێتە ئاشکرا کرن بۆ ئاژانسا رویترز دیار کریە، سەرەدانا عەلی لاریجانی د رەوشا نها یا ئالۆز بۆ لوبنانێ دا د جهێ خوە دا نینە و دێ بیتە ئەگەرێ ئالۆزیێن نوو، چونکی وەکو حوکمەت و پەرلەمانێ لوبنانێ وان دڤێت حزبوللا دەست ژ چەکان بەردەت و نەبیتە ئەگەرێ ئالۆزیێن نوو بۆ لوبنانێ، نها خەلکێ لوبنانێ ئارامی و ژیانەک خوەش دڤێت، هەر کەس دزانیت حزبوللا ب پشتەڤانیا ئیرانێ ئاریشەیێن گەلەک مەزن بۆ لوبنانێ دروست کرینە و خەلکێ لوبنانێ ژ سیاسەتا ئیرانێ و دەستێوەردانێن حزبوللاهێ دلگرانن.
هەمان بەرپرسی ئەو یەک ژی دیار کریە، دڤێت حزبوللا دەست ژ چەکی بەردەت و ئێدی چو بەهانەیان ژی نەدەتە دەستێ ئسرائیلێ، رەوشا لوبنانێ گەلەک خرابە و پێدڤیا لوبنانێ ب گەشەپێدانا ئابووری و ئارامیا سیاسی هەیە و مخابن ئیران و حزبوللا ئاریشەیان بۆ لوبنانێ دروست دکەن.
