بەرپرسێ لقێ 18: ل 11/11 پارتی و ئێك ملیۆن دەنگ چاڤەرێـی ئێكن
ئامێدیێ، مەحمود نهێلی:
بەردەوامیدان ب هەوا هەلبژارتنان ل سنۆرێ لقێ 18 یێ پارتی ل ئامێدیێ ژ بۆ سەرئێخستنا لیستا 275 یا پارتی و بەربژارێن دەڤەرێ، ل كۆمەلگەها سیریێ، بەهرام عریف یاسین، بەرپرسێ لقێ 18 یێ پارتی ل ئامێدیێ، ب ئامادەبوونا وارشین سەلمان، دەڤەردارێ ئامێدیێ و عەبدوللا سگێری، سەرپەرشتێ میحوەر و كەیهان نێروەیی، بەرپرسێ میحوەری و تەڤایا ئەندامان و بەرپرس و ئەندامێن بازنەیان ژ كەسایەتی، بەرپرس، فەرمانبەر، پێشمەرگە، قوتابی، لاو ئافرەتان كۆمبوو.
بەرپرسێ لقێ، بەحس ل گرنگییا ڤان هەلبژارتنان و پێدڤییا هەبوونا بهێز یا پارتی ل بەغدا كر ژ بۆ پاراستنا دەستكەفتێن گەلێ مە و كاركرن ژ بۆ دەستكەفتێن زێدەتر و دووبارە ڤەگەڕاندنا كەركووكێ و دەڤەرێن دی و سەبارەت سیریێ گۆت: «چ جاران سیریێ و پارتی ژ ئێك جودانەبووینە»
د دویوڤ دا بەرپرسێ لقێ 18 تەكەز ل سەر ڕێنما و ڕاسپاردێن سەرۆك بارزانی و سەركردایەتیا پارتی كر د هەیاما بانگەشێ دا و داخوازكر یاسا و رێنمایێن كۆمسیۆنێ ل بەرچاڤ بهێنە وەرگرتن و دووپاتی ل سەر كارێ پێكڤە وەك ئێك تیم ب شەڤ و رۆژ كر ژ بۆ مسوگەركرنا بلندترین ڕێژا دەنگان و بهێزتركرنا پێگەهێ پارتی.
