بەرپرسێ مەكتەبا رێكخستنا پارتی ل دهۆكێ ل گەل فراكسیۆنا پارتی و سەندیكا پارێزەران كۆمبوو
د. پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ دو كۆمبوونێن جودا ل گەل فراكسیۆنا پارتی ل پەرلەمانێ كوردستانێ و سەندیكا پارێزەران تایێ دهـۆكێ ئەنجام دان.
د. پشتیوان سادق، بەرپرسێ مەكتەبا رێكخستنا پارتی ل پارێزگەها دهـۆكێ د كۆمبوونا ل گەل فراكسیۆنا پارتی ل پەرلەمانێ كوردستانێ دا باس ل سەروبەرێ ئەڤرۆ یێ هەرێما كوردستانێ و ئەنجام و پێشڤەچوونێن كۆمبوونا ڤێ دووماهیێ یا پارتی ل گەل ئێكەتیێ و دووماهی پێشهاتێن د ناڤ پرۆسەیا سیاسی و پەیوەندیێن هەرێمێ و بەغدا دا كر.
دیسا د. پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ د كۆمبوونا ل گەل سەندیكایا پارێزەران تایێ دهـۆكێ دا باس ل سەروبەرێ ئەڤرۆ یێ دەڤەرێ و دووماهی پێشهاتێن د ناڤ پرۆسەیا سیاسی دا كر و رۆلێ سەندیكا پارێزەران بلند هەلسەنگاند و گۆت: «سەندیكا پارێزەران ئەو لایەنەیە، كو دشێت داكوكیێ ل مافێن دەستپێكی یێن وەلاتیان بكەت، هەروەسا د هەمی وەلاتێن دونیایێ دا مل ب ملێ دادگەهـێ، رۆلەكێ بەرچاڤ دبینیت ل سەروەریبوونا یاسایێ و بەرهنگاریا سەرپێچیان و كارێن نەیاسایی.
