بەرپرسێ لقێ 18 بۆ گەنجان: ب هەموو شیانێن خوە پشتەڤانیا لیستا 275 یا پارتی بكەن
ئامێدیێ، مەحمود نهێلی:
بەهرام عەریف یاسین، بەرپرسێ لقێ 18 یێ پارتی ل ئامێدیێ د پەیڤەكێ دا بۆ هەژمارەكا خەلكێ دەڤەرێ و گەنجێن ئامێدیێ و دێرەلۆكێ دبێژیت: هوون داینەمۆیا هەموو شۆڕەش و بزاڤەكێ نە، هوون هێما و هێڤێنێ هەموو سەركەفتنانە و سەركەفتنا پارتی ژی دێ ب پشتەڤانیا هەوە بیت.
ناڤهاتی دەستخوەشی ل گەنجێن ئامێدیێ و دێرەلۆكێ كر و داخواز ژ هەموو گەنجان كر ب هەمان ڕەنگ و روحیەت و خوینگەرمیێ پشتەڤانێن هەموو بەربژارێن دەڤەرێ یێن پارتی بن و ب هەموو شیانان كار ژ بۆ سەركەفتنەكا مەزن یا لیستا 275 یا پارتی بكەن.
ناڤهاتی گۆت: «ب تنێ پارتی یە و بەربژارێن پارتی دشێن بەرەڤانیێ ژ مافێن گەلێ كورد ل بەغدا بكەن، پارتیا مە ب بزاڤ و تێكۆشینا هەوە دێ بیتە پارتا ئێكێ و یا ملیۆنی ل سەر ئاستێ هەمو ئیراقێ، ئەڤە ژی دێ ب هەوە و پشتەڤانیا هەوە و دلسۆزییا هەوە بجههێت».
