بەرپرسێ مەكتەبا ریكخستنێ پشكداری د ڤەشارتنا تەرمێ فەرماندە «سەید سەفەر تاهر بانكی» دا كر
سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا رێكخستنا پارێزگەها دهۆكێ ب هەڤالینیا شاندەكێ مەكتەبێ پشكداری د رێورەسمێن ڤەشارتنا تەرمێ پێشمەرگە و فەرماندە خودێ ژێ رازی «سەید سەفەر تاهر بانكی» دا ل گۆڕستانا شاخێ كر.
سەربەست لەزگین د رێورەسمان دا بەهیداری و سەرساخی ئاراستەی مالباتا سەید سەفەر تاهر بانكی كر و ژ خودێ مەزن هیڤی خواست، جهێ وی بەهشتا بەرفرەهـ بیت و سەبر و هەدارێ ژی بدەتە مالباتا وانا.
دیسا ل رۆژا ئەینی 24/10/2025 سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا رێكخستنا پارێزگەها دهۆكێ پێشوازی ل یونادم كنا، ئەندامێ پەرلەمانێ ئیراقێ و سكرتێرێ بەرێ یێ بزاڤا ئاشووری و شاندەكێ د گەل دا كر و د روونشتنەكێ دا هەردو ئالیان بەحس ل سەروبەرێ ئەڤرۆ و داوی و پێشهاتەیان و سەروبەرێ بانگەشەیا هەلبژارتنێن خولا شەشێ یا جڤاتا نوونەرێن ئیراقێ كر.
