بەرپرسێ مەكتەبا رێكخستنا دهۆكێ جەژنا رۆژیێن ئێزی ل میرێ ئێزدیان پیرۆز كر
سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا رێكخستنا پارێزگەها دهۆكێ ب هەڤالینیا شاندەكێ مەكتەبێ سەرەدانا میر حازم تەحسین بەگ، میرێ ئێزدیان كر و جەژنا رۆژیێن ئێزی لێ پیرۆزكر.
بەرپرسێ مەكتەبا رێكخستنێ پشتی ئاراستەكرنا پەیاما پیرۆزباهیێ، دیاركر كو سەرەرای وێ زۆرداریا دوژمنێن مرۆڤایەتیێ ب سەر ئێزدیان دا ئینای، لێ ئێزدی ب سەربلندی ڕوو ب ڕووی ئاستەنگان بوون و جه و پێگەهێ خۆ پاراست.
سەربەست لەزگین، بەریرسێ مەكتەبا رێكخستنێ هیڤی خواست، كو ئەڤ هەلكەفتە ببیتە هێڤێنێ پێكڤەژیانێ و برایەتیێ و لێبۆرینێ و خووشك و برایێن ئێزدی ڤێ جەژنێ ب كەیف و خوشی بگێڕن.
