بەرپرسێ مەكتەبا رێكخستنـێ ل گەل مامۆستایێن ئایینی ل ئاكـرێ كۆمبوو
سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ دوهی 5/11/2025 سەرەدانا دەڤەرداریا ئاكرێ كر و ب ئامادەبوونا هەڤال مەردان خدر، بەرپرسێ لقێ نەهـ یێ پارتی ل گەل مامۆستایێن ئایینی یێن سنۆرێ لقێ كۆمبوو.
سەربەست لەزگین، د كرمبوونێ دا پەسنا رۆلێ مامۆستایێن ئایینی كر ژ لایێ هەستێ نەتەوایەتی و هشیاركرنا جڤاكی ڤە و پێگەهـ و خۆراگری و شیرەتێن وان بلند هەلسەنگاند و گۆت: «ئەم دخوازین مامۆستایێن ئایینی ل سەر گەهاندنا ئەركێ خۆ یێ پیرۆز، ب تایبەت د گەهاندنا پەیاما ئاشتی و برایەتی و پێكڤەژیانێ دا بەردەوام بن».
ل دووماهـیێ بەرپرسێ مەكتەبا رێكخستنا پارێزگەها دهۆكێ رێز ل خزمەت و ماندیبوونا زانایێن ئایینی گرت و خەلاتێن رێزلێنانێ پێشكێشی وانا كرن.
دیسا هەر دوهی 5/11/2025 سەربەست لەزگین، بەرپرسێ مەكتەبا رێكخستنا پارتی ل پارێزگەها دهۆكێ و شاندەكێ مەكتەبێ پشكداری د بەهـیا خودێ ژێ رازی ”میهـران عەرەب هەركی”دا ل گوندێ گڵێنەی ل سنۆرێ ناوچەداریا گردەسێن كر.
