بەرپرسێ مەكتەبا رێكخستنێ: خزمەتكرنا پێشمەرگەیان و مالباتێن شەهیدان ئەركـێ مەیە
د چوارچوڤێ سەرەدانێن خۆ یێن مەیدانی دا بۆ سنوورێ لقێ هەشت یێ پارتی دیموكراتی كوردستان، سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ ب هەڤالینیا د. ڤیان سلێمان، هاریكارا بەرپرسێ مەكتەبێ و عومەر ئورەیی، بەرپرسێ لقێ هەشت یێ پارتی ل زاخۆ دوهی 6/11/2024 سەرەدانا چەندین مالباتێن شەهیدان و پێشمەرگەیـێن دێرین ل سنوورێ ئیدارا سەربخۆ یا زاخۆ كر.
ئەو مالباتێن شەهیدان و پێشمەرگەیـێن دێرین ل سنوورێ ئیدارا سەربخۆ یا زاخۆ یێن بەرپرسێ مەكتەبا رێكخستنا پارێزگەها دهۆكێ و شاندێ د گەل دا سەرەدانا وان كری، ژ ڤان مالباتان پێكهاتبوون:
* مالباتا مەلا حەیدەر ئەحمەد پێشمەرگەیێ دێرین و بابێ سێ شەهیدان
* مالباتا شەهید نەعمان عەبدولرەحیم و خەلات نەعمان عەبدولرەحیم
* میرزا فەتاح بریندارێ شەڕێ داعشێ
* مالباتا خودێ ژێ رازی فەرماندە محەمەد میرزا میرزا
سەربەست لەزگین، بەرپرسێ مەكتەبا رێكخستنا پارتی ل پارێزگەها دهـۆكێ و شاندێ د گەل دا د سەرەدانێن خۆ دا هایداری رەوشا ژین و ژیارا وانا بوو و گۆت: «ئەڤ ئازادیا ئەڤرۆ ئەم تێدا بەرهەمی خەبات و قوربانیدانا شەهیدێن قەهرەمان و پێشمەرگەیێن دێرینە، لەواما سەرەدان و خزمەتكرنا هەوە ب ئەركێ خۆ دزانین».
