بەرپرسەکێ ئیرانێ: خەلک ژ سیستەمێ نها نەیێ ڕازییە
مستەفا پور محەمەدی وەزیرێ بەرێ یێ ناڤخوە یێ ئیرانێ و ئێک ژ کەسایەتیێن دیار یێن وی وەلاتی د داخۆیانیەکێ دا راگەهاند، نها خەلک ژ سیستەمێ سیاسی یێ ئیرانێ رازی نینن، رەوش گەلەک خراب بوویە، بارێ ئابووری یێ ئیرانێ ژی رۆژ ب رۆژێ خرابتر لێ دهێت، ژ بەر هندێ ژی مەترسی هەیە جارەکا دی خەلک دەست ب خوەنیشادانان بکەن.
ناڤهاتی ئەو یەک ژی دیار کر، دڤێت حوکمەت ب ئەرکێ خوە رابیت و دەست ب چاکسازیان بکەت، گەندەلیەکا گەلەک مەزن د ناڤ سازیێن دەولەتی دا هەیە و ئەو یەک بوویە ئەگەر رۆژ ب رۆژێ پتر وەلاتی خوە ژ دەولەتێ دوور بکەن، ئەوێ یەکێ ژی مەترسیەکا مەزن بۆ پاشەرۆژا ئیرانێ هەیە.
