بەرپرسەکێ ئیرانێ داخوازا مافێ ئاکنجیبوونێ ل ئەمریکا کریە
ئەڤرۆ:
نەسیری ئەحمەد ئابادی ئێک ژ ئەندامێن شاندێ ئیرانێ یێ دانوستاندن دەربارێ بەرنامێ ئەتۆمی و قەیرانا ئابووری ل گەل وەلاتێن ئورۆپا دکر ب رێیا بالیۆزخانا ئەمریکا ل وەلاتێ ئیماراتێ داخوازا مافێ ئاکنجیبوونێ ل ئەمریکا بۆ خوە و خێزانا خوە کریە و ژ بەر هندێ ژی نها وەزارەتا ناڤخوە یا ئیرانێ بریار دایە ناڤبری گەشتا دەرڤەی وەلاتی نەکەت.
دەزگەهێن راگەهاندنا ئیرانێ ژی دیار کرینە کو نها هێزێن ئێمناهیێ دەست ب ڤەکۆلینان ل دۆر ڤی بابەتی کرینە و هەکە راستیا بابەتی ئاشکرا بیت دێ پێرابوونێن قانوونی ل گەل وی بەرپرسی هێنە کرن.