بەرپرسەکێ ئێکەتیێ:کەس نەشێت سلێمانیێ جودا بکەت
ئەڤرۆ نیۆز،زنار تۆڤی:
پشتی کو بەرپرسێن بزاڤا گۆڕان جارەکادی بانگەشەیا ب هەرێمکرنا سلێمانیێ نوو کڕیە ڤە، ڕێباز بێرکۆتی، سەرۆکێ فراکسیۆنا ئێکەتیی نیشتمانیی کوردستان ل پارێزگەها ھەولێرێ بۆ باسنیۆز گۆتیە”ئەڤا دهێتە گۆتن ئاخفتنێن بێ بنەما و پووچن ژلایێ سیاسی ڤە،چونکی ئەم داخوازا کوردستانەکا ب ھێز و ئێکگرتی دکەین، وان کەسان خێرە یێ بەحسێ ب هەرێمکرنا سلێمانیێ دکەن؟ ئەڤە گۆتنەکا هندە بێ بنەمایە کو ڕەنگە ھیچ حزبەک ئاخفتنێ ل سەر نەکەت، بەلاڤکرنا ئەڤان تشتان بۆ سەر ئێشاندنا خەڵکێ یە، ئەگەر نە ئەڤە چیە ئەو بەلاڤە دکەن.
گۆت ژی:نوکە ھەرێما کوردستانێ یا ل هەمبەر بڕیارەکا گرنگ دا دەربارەی داھاتوویێ خوە و گۆتیە ژی: ”پارتی و ئێکەتیێ پێکڤە روونشتن کرینە، بڕیارە ل گەڵ پارتێن دی ژی کۆمبوون بهێنەکرن،نوکە خێرە کەسەکێ یان چەند کەسان پێشنیارەکا ب ڤی رەنگی دکەن؟،بۆ ڤی پرۆژەی نە ئێکەتی و نە حزبێن دیتر ھەر هزر ل ڤێ چەندێ ناکەن و بەحس ژی ناکەن،ئەڤە گۆتنەکە بۆ شلقاندنا سیاسی هاتیە ب کارئینان و کەس ژی نەشێت سلێمانیێ جودا بکەت.
