بەرپرسەکێ ئەمریکا هۆشداریێ ددەتە رێڤەبەریا خوەسەر
بالیۆزێ بەرێ یێ ئەمریکا ل سووریێ راگەهاند، نابیت رێڤەبەریا خوەسەر یا باکورێ سووریێ پشتا خوە ب ئەمریکا گەرم بکەت، هەکە بەرپرسێن کورد ل سووریێ کارەکێ وەسا بکەن دێ تووشی کارەساتێن گەلەک مەزن بن، دڤێت ئەو پشتا خوە ب ئەمریکا گەرم نەکەن و ل گۆر راستیا نها یا ل دەڤەرێ و سووریێ سیاسەتێ بکەن.
رۆبەرت فۆرد ئەو یەک ژی دیار کریە، ئەمریکا ل گۆر بەرژەوەندیێن خوە یێن نها ل دەڤەرێ و ل سووریێ سیاسەتێ دکەت، دبیت پشتی دەمەکێ ئەمریکا هەموو هێزێن خوە ژ سووریێ ڤەکێشیت، هەکە هێزێن کوردی و رێڤەبەریا خوەسەر پشتا خوە ب ئەمریکا گەرم بکەن ئەو یەک دێ بیتە ئەگەرێ روودانا کارەساتێن گەلەک مەزن، چونکی هەکە نها نەبیت ژی دەمەکێ دی ئەمریکا دێ هەر هێزێن خوە ژ سووریێ ڤەکێشیت، ژ بەر ڤێ یەکێ دڤێت کوردان بەرنامەکێ خوە یێ تایبەت هەبیت و نابیت پشتا خوە ب ئەمریکا گەرم بکەن، چونکی ئەمریکا بۆ دەمەکێ درێژ ل سووریێ نامینیت.
