بەرپرسەکێ تورکیا: پێدڤیە پەنابەرێن سووری ڤەگەڕنە وەلاتێ خوە
ئەڤرۆ
تانجو ئۆزکان سەرۆکێ باژێرڤانیا باژێرێ بولو یێ تورکیا سەرەدانا مەرەشێ و باژێرێن دی کر و د داخۆیانیەکێ دا بۆ دەزگەهێن راگەهاندنا تورکیا دیار کر، رەوشا دەڤەرێن بیڤەلەرزێ گەلەک خرابە و وەکو تورکیا ئەو دێ هەر زوو دەست ب ئاڤاکرنا ئاڤاهیان بۆ خەلکێ کەن، لێ ئاریشەکا دی یا مەزن هەیە و گۆت: (گەلەک پەنابەرێن سووری ل وان دەڤەران دژین، براستی ئەو یەک بۆ تورکیا بوویە بارگرانی، هندەک ژ وان دخوازن ڤەگەرنە وەلاتێ خوە، دڤێت حوکمەت هەر زوو ب رێیا قانوونەکێ رێ بۆ وان کەسان خوەش بکەت دا ڤەگەرنە سووریێ).
ئەو یەک د دەمەکێ دایە پشتی بیڤەلەرزا ڤێ دووماهیێ گەلەک بەرپرسێن تورکیا داخواز دکەن پەنابەرێن سووری بچنە وەلاتێ خوە، چونکی ژ بەر بیڤەلەرزێ رەوشا ئابووری یا تورکیا گەلەک خرابە و ئێدی تورکیا نەشێت وان پەنابەران خوەدان بکەت.
