بەرپرسەکێ پارتی: مەترسیێن داعشێ زێدەتر بووینە
ئەڤرۆ نیۆز، قائید میرۆ:
داعش ل ھژمارەک دەڤەرێن کوردستانی دەست ب لڤینانکریە و بەرپرسەکێ پارتی ژی ئاشکراکر، چەکدارێن داعش دناڤبەرا کەرکووک و مەخموور ھاتن وچوونێ دکەن و دبێژیت، زۆربەیا وانژی چەکدارێن دەڤەرێ نە چووینە ناڤا داعش.
کرمانج عەبدولا، بەرپرسێ لقا پارتی ل مەخموور بۆ ئەڤرۆ نیۆز دیارکر” ڤێ دوماھیێ گروپا داعش ل دەڤەرێن دکەڤنە سینورێ ناڤبەرا کەرکووکێ و قەزا مەخموور لیڤینێن خوە زێدەکرینە و بەردەوام ھاتن وچوونێ دکەن، بەری نوکە ژبەر فڕۆکێن ھەڤپەیمانان بشەف ھاتن وچوون دکر، بەلێ نوکە ب رۆژ و ب ئاشکرا ھاتن وچوونێ دکەن.
ئەڤی بەرپرسێ پارتی گۆت” گورەی دوڤچوونامە کو چاڤدێریا رەوشا دەڤەرێ دکەین زۆربەیا وان چەکدارێن نافخۆنە و خەلکێ دەڤەرێ نە، واتە چەکدارێن بیانی تێدا ھەنە بەلێ ھژمارەکا کێمترە.
کرمانج عەبدولا ئاشکراکر” دەمێ داعش بھێز دکەڤیت نیەتێن خراپ ھەنە بۆ ئەنجامدانا کریارێن تیرۆرستی و ھەردەمێ دەلیڤە پەیداببیت بێگومان داعش دێ گورزەکێ دانیت، لەوڕا بھێز بوونا داعش مەترسیە بۆسەر دەڤەرێ و خەلکێ کورد.