بەرھەمێن خومالی ل گوندان کێمتر ژ بەرێ دھێنە دروستکرن
ئەڤرۆ نیوز، رەمەزان ھەرنی:
دووشاڤ ئێکە ژ بەرھەمێن خوماڵی ل هەرێما کوردستانێ، بەرێ ل گوندان گەلەک گرنگی ب دروستکرنا دوشاڤا تری دھاتە دان ، لێ بۆ دەمێ چەند سالانە ل ھەر دو دەڤەرێن چیایی یێن ئاکرێ و مێرگەسور دروستکرنا دوشاڤێ گەلەک کێم بوویە.
عەلی ئەحمەد رەزڤانەکێ سنوورێ قەزا مێرگەسورە بۆ ئەڤرۆ نیوز گوت : دروستکرنا دوشاڤێ گەلەک یا کێم بووی ھندەک سالان ژ بەر نەبوونا تریەکێ باش ھندەک سالا خەلک ب خو دوشاڤێ درروست ناکەن ،ئەڤ سالە بھایێ دوشاڤێ گرانتر بۆ ژ پار سال ، ئەڤ سالە رێژا تری یاباش بۆ بەلێ خەلکی گەلەک کێم دوشاڤ دروستکریە ژبەرکو گەلەک ب زەحمەت دھێتە دروستکرن ، پارسال بھایێ ئێک کیلویا دوشاڤێ ب ھەشت ھزار دیناران بۆ ئەڤ سالە سەرەرای کو تریێ زور بۆ دوشاڤێ وەک پێدڤی نەھاتە دروستکرن بەلێ بھایێ وێ گرانتر بۆ ژ پار سال کو بھایێ ئێک کیلویا دوشاڤێ ب دەھـ ھزار دیناران دھێتە فروتن.
شێرزاد محەمەد، رەزڤانەکێ سنورێ قەزا ئاکرێ یە بۆ ئەڤرۆ نیۆز گوت : سال بۆ سالێ دوشاڤا تری ل دەڤەرێ بەرەڤ کێمبوونێ ڤە دچیت ئەڤە ژی ژ بەر وێ چەندێ یە خەلک گرنگیێ ب سەخبێرکرنا رەزێن خوە نادەت و ژبەرکو جوتیارو رەزڤان زەرەمەندە ن چو بھایەک لسەر بەرھەمێ ناڤخویی نیە، لەورا کەس گرنگیێ وەک جارا ب دروستکرنا دوشاڤێ نادەت ، ئەگەر تری بکەنە دوشاڤ دێ مینیتە ل مال و کەس ناکریت.
