بەرھەمێ تری 70% ل دێرەلۆکێ ژ ناڤچوویە
ئه‌ڤرۆ نيوز:
بەرپرسێ ھۆبا چاندنێ ل ناحیا دێرەلۆکێ بۆ رۆژناما ئەڤرۆ دیار کر، ژ بەر چەند ئەگەرەکێن سەقای زیانێن مەزن گەھشتینە بەرھەمێ چاندنێ ل ناحیا دێرەلۆکێ.
ئەندازیار عسمەت ئیبراھیم، بەرپرسێ ھۆبا چاندنێ ل دێرەلۆکێ خویا کر، ژ بەر کو ل بھارا ئەڤ سالە بارانبارین گەلەک ڤەما و ھەتا درەنگی سال ژی باران دھاتن، ڤێ یەکێ کارتێکرن ل سەر بەرھەمێ چاندنێ ل دەڤەرێ کر و گۆت: “ژ ئەگەرێن گوھۆڕینا سەقای ئەڤ سالە زیانێن مەزن گەھشتینە دەرامەتێ جۆتیاران، ب تایبەتی ژی داروبارێن کولیلکێ و 70% بەرھەمێ تری ژ ناڤچوویە”.
ئاشکرا ژی کر، زێدە بارینا بارانان ل وەرزێ بھارێ بوویە ئەگەرێ دروستبوونا شھێ دبن ئەردی ڤە، ب ڤێ یەکێ ژی زیان گەھشتنە باجانێن سۆر و دەرامەتێ وەرزی ژی و بەرھەمێ فێقی.
