بەرى یاریا دووماھیا ئورۆپا نە ئارامی دروست بوویە
ئەڤرۆ نيوز:
یاریا دووماھیا قارەمانیا کاسا یانێن ئوروپا قارەمانێن خولان دناڤبەرا یوڤانتوس یا ئیتالی و بەرشەلونە یا ئسپانی ل شەمبیا بھێت ل یاریگەھا ئولومپی ل بەرلین دێ ھەڤرکیەکا تایبەت یا دو ئەرژەنتینیان ب خوەڤە بینت و دبیت نە ئارامی ژی دروست بیت، ئەوژی د ناڤبەرا لیونێل میسی یاریکەرێ بەرشەلونە و تێڤێز یێ یانا یوڤانتوس و ئەف ھەردو یاریکەرە دێ بنە نێچیرا کامیرێن تیڤیی و فوتوگرافان و دان و ستاند و ھەڤرکیا تەپێ ل ناڤبەرا وان بەری ھەردو یریکەر پشکداریێ دگەل پێکھاتیێ ئەرژەنتین دا بکەن ل قارەمانیا کوبا ئەمریکا پشتی یاریێ ب چەند روژان.
نە ئارامی دروست بویی بەری دەستپێکرنا یاریێ ب تایبەت ب ھەبونا گوتکوتکان یێن گرێدای میسی و تێڤێزی د کوبا ئەمریکا دا ل سالا ٢٠١١ دەمێ تێڤێزی گوتی کرنا یاریی ل گەل ھەلبژارتیێ ئەرژەنتین نە یا ژ ھەژی یە و ئەف چەندە بویە جھێ دل نەرحەتیا یاریکەرێن ئەرژەنتین و دووڤدا ھاتیە دوورخستن ژلایێ راھێنەرێ ھەلبژارتیێ ئەرژەنتین سابێلا و دووڤدا و سەرەرای پێشکەفتنا ئاستی وی ل یانا یوڤانتوس ل وەرزێ بوری نە ھاتی داخوازکرن بو مونیدالا جیھانێ و ڤێ چەندا ھەنا دورکەفتنا وی چار سالان ژ پێکھاتیێ ئەرژەنتین گومان بو دروستکریە و میسی گونەھبارکریە کو ئەو ئەگەر بویە راھیچنەر و یاریکەر ھانداین وی دوربێخن و داخویانیا سابێلای ئەف گومانە مەزنتر لێکر دەمێ گوتی ھاتیە دورخستن داکو چو ناکوکی ل ناڤا تیمێ نەبن و دیسان تێڤیز بو جھێ دلگرانیا میسی دەمێ گوتی ئەو دبینت کریستیانو رونالدو باشترینێ جیھانێ یە نە میسی و ب دکتاتور گونھبارکری.
