بەریکانەکا فۆتۆگرافەری د وارێ گەشتیاری دا دھێتە ئەنجام دان
ئەڤرۆ نیوز، نەوزاد ھلۆری:
ب مەرەما نیشاندانا روویێ جوان یێ گەشتیاری ل ھەرێما کوردستانێ، دەستەیا گەشتوگۆزار یا ھەرێما کوردستانێ ب ھەڤکاری ل گەل ھەر ئێک ژ رێکخراوا کوردستان فوتو و کومپانیا دیەل، دێ رابن ب ئەنجامدانا بەریکانەکا فۆتۆگرافەری د وارێ گەشتیاری دا و سەرکەفتیێن وێ دێ خەلات کەت.
نادر روستایی، ئاخفتنکەرێ دەستەیا گەشتوگۆزارێ ل ھەرێما کوردستانێ بۆ ئەڤرۆ نیوز گۆت: (ب مەرەما نیشاندانا روویێ جوان یێ گەشتوگۆزارێ ل ھەرێما کوردستانێ، دەستەیا گەشتوگۆزارێ ب ھەڤکاری ل گەل ھەر ئێک ژ رێکخراوا کوردستان فۆتۆ و کۆمپانیا دیەل، دێ رابن ب ئەنجامدانا بەریکانەکا فۆتۆگرافەری د وارێ گەشتیاری دا و ھەر فۆتۆگرافەرەکێ بخوازیت دشێت پشکدار بیت).
زێدەتر گۆت: (فۆتۆ دێ ل سەر ئاستێ ھەرێما کوردستانێ ھێنە وەرگرتن، بەلێ دڤێت دەربڕینێ ژ جھێن گەشتوگۆزاری بکەت، مینا شوونواری، کلتۆر و سروشتی، ھەر فۆتۆگرافەرەک بخوازیت پشکدار بیت دشێت وێنێن خوە ب رێیا Kurdistanphoto2016@gmai.com ب ھێنریت).
ناڤبری دیارکر ژی کو کومپانیا دیەل دێ ب ئەرکێ چاپکرنا فۆتۆیێن فۆتۆگرافەران رابیت، بەلێ ئەو کەسانێن فۆتۆیێن خوە دھنێرن دڤێت ب کوالێتا 300DP ب ھێنرن دا کو بھێنە چاپکرن، دووماھی رۆژ بۆ وەرگرتنا فۆتۆیان ھەتا رۆژا 25ى چريا دويێ 2018، وێنە دێ ژ لایێ لژنەکا تایبەت ھێنە ھەلسەنگاندن و سەرکەفتيێن وان دێ ب خەلاتێ رێزلێنانێ ھێنە خەلاتکرن).