بەرێ بنیاتی بۆ هەژمارەكا پڕۆژەیێن خزمەتگوزاری ل ئاكرێ هاتە دانان
ئاكرێ، سەباح زوهێر:
ب بەرهەڤبوونا د. عەلی تەتەر، پارێزگارێ دهۆكێ و دەڤەردارێ ئاكرێ و بەرپرسێ لقێ نەهێ پارتی دیمۆكراتی كوردستانت و چەندین سازیێن حكومی ل سنوورێ دەڤەرداریا ئاكرێ ل ژێر چاڤدێریا پارێزگارێ دهۆكێ ل ناوچەداریا گردەسێن ل رۆژا 22/6/2023 بەرێ بنیاتی بۆ هەژمارەكا پڕۆژەیێن خزمەتگوزاری ب گوژمێ ملیارەك و 622 ملیۆن دیناران هاتە دانان.
د. عەلی تەتەر، پارێزگارێ دهوكێ د كۆنگرەكێ رۆژنامەڤانی دا دیار كر، پشتی سەرەدانا مەسرور بارزانی، سەرۆكێ حوكمەتا هەرێما كوردستانێ رازیبوون ل سەر هەژمارەكا پڕۆژەیان بۆ خزمەتكرنا ڤێ دەڤەرێ راگەهاندی، كار ل سەر وان پڕۆژەیان دێ هێتە كرن و كەڤنە د بیاڤێ بجهئینانێ دا، داكو ب زووترین دەم بكەڤنە د خزمەتا خەلكێ ڤێ دەڤەرێ دا.
ل دۆر وان پڕۆژەیان پارێزگارێ دهۆكێ گۆت: «ئەو پڕۆژەیە ژ قووناغا دویێ یا سەخبێركرنا رێكێن گوندێن (نهاڤا، سیتكا، چەمسماق، دوستان، خەلین و پرا گەشكا) ل سنوورێ ناوچەداریا گردەسێن یا سەر ب دەڤەرداریا ئاكرێ ڤە پێك دهێن، دوهی مە بەرێ بنیاتی بۆ دانا».
بۆ زانین ئەو پڕۆژەیە ب درێژاهیا نەه كیلۆمەتران و 300 مەترانە و ب گوژمێ ملیارەك و 622 ملیۆن دیناران دێ هێتە بجهئینان و د دەمەكێ نێزیك دا دێ ئەڤ پڕۆژە كەڤیتە د خزمەتا خەلكێ ڤێ دەڤەرێ دا.
