بەرێ بنیاتی بۆ ئەندەرپاسا پیشەسازی ل زاخـۆ هاتـە دانان
زاخۆ، دلۆڤان هالۆ:
ل ئیدارەیا سەربخوە یا زاخۆ، دوهی 15/10/2024 بەرێ بنیاتی بۆ پڕۆژەیێ ئەندەرپاسا پیشەسازی یا زاخۆ هاتە دانان.
گوهدار شێخۆ، سەرپەرشتێ ئیدارەیا سەربخوە یا زاخۆ د كۆنگرەیەكێ ڕۆژنامەڤانی دا گۆت: «مە ئەڤرۆ بەرێ بنیاتی بۆ پڕۆژەیەكێ گرنگ و ستڕاتیژی ل ئیدارەیا سەربخوە یا زاخۆ دانا، كو ئەو ژی پڕۆژەیێ چێكرنا ئەندەرپاسا پیشەسازی یا زاخۆیە».
گۆتژی: «ئاریشەكا مەزن یا هاتنوچوونێ ل ڤێ دەڤەرێ هەبوو، لەوما مە هزر ل وێ چەندێ كر كو ڤێ ئاریشەیێ چارەسەر بكەین، خۆشبەختانە ئەڤ پڕۆژە كەڤتە د بیاڤێ بجهئینانێ دا، و هیڤیدارین ب زووترین دەم ب دوماهی بهێت و بكەڤیتە د خزمەتا وەلاتیان دا».
