بەرێ بنیاتی بۆ چێكرنا جاددەیێن سەرەكی ل سەنتەرێ ناوچەداریا ڕۆڤیا هاتە دانان
بەردەوامیدان ب گەهاندنا پڕۆژەیێن خزمەتگوزاری بۆ هەموو دەڤەران، دوهی 25/9/2024 ب ئامادەبوونا ساسان عەونی، وەزیرێ باژێرڤانیان و د. عەلی تەتەر، پارێزگارێ دهۆكێ و مەردان خدر، بەرپرسێ لقێ نەهێ پارتی و ئیسماعیل مستەفا، دەڤەردارێ بەردەڕەش بەرێ بنیاتی بۆ چێكرنا سایدەكێ رێكا رۆڤیا بۆ ئاكرێ ل گەل چێكرنا سولینان ب درێژاهیا 990 مێتران و چێكرنا رێكا سەرەكی ل گەل سولینان ل سەنتەرێ باژێرڤانیا رۆڤیا ب درێژاهیا هزار و 850 مێتران هاتە دانان.
وەزیرێ باژێرڤانیان و پارێزگارێ دهۆكێ د پەیڤێن خوە دا پیرۆزباهیا خەلكێ ناوچەداریا رۆڤیا و دەڤەرێ كر، هەروەسا سوپاسیا مەسرور بارزانی، سەرۆكێ حوكمەتا هەرێما كوردستانێ كر، كو بەردەوام پشتەڤانیێ ل داخوازی و پێدڤیێن وەلاتییان دكەت.
هەژی گۆتنێ یە هەردو پڕۆژە ل سەر بودجا پارێزگەها دهۆكێ ب گوژمێ چار ملیار و 799 ملیۆن دیناران دێ هێنە بجهئینان.
