بەرێ بنیاتێ پرۆژەیەکێ کارەبێ ل زاخۆ دێ هێتە دانان
ئەڤرۆ نیوز،عەلی حاجی :
بریارە سوبەهی ل روژا ئەینیێ ١٣/٣/٢٠٢٠ ب هەلکەڤتا سەرهەلدانا باژێری ب بەرهەڤبونا وەزیرێ کارەبێ یێ حکومەتا هەرێما کوردستانێ بەرێ بنیاتێ پرۆژەیەکێ کارەبێ ل زاخۆ بهێتە دانان و پرۆژەیێ راکێشانا هێلا ١٣٢ کەیڤی ل زاخۆ بهێتە دەست پێکرن.
ئەندازیار هشیار شاکر ژ رێڤەبەریا بەلاڤکرنا کارەبێ ل زاخۆ بۆ ئەڤرۆ نیوز گۆت : بریارە سوبەهی رۆژا ئەینیێ ب بەرهەڤبونا وەزیڕێ کارەبێ یێ حکومەتا هەرێما کوردستانێ و پارێزگارێ دهۆکێ بەرێ بنیاتی بۆ پرۆژەیەکێ نوویێ کارەبێ ل زاخۆ یێ ١٠٠ کەیڤی بهێتە دانان ئەوا کۆمپانیەکا ئوستورالی دێ رابیت ب جێبەجێ کرنا وی پرۆژەیی،زێدەباری وێ چەندێ ژی هەر ل هەمان رۆژ دێ دەست پێکرنا پرۆژەی دانانا هێلا کارەبێ یا ١٣٢ کەیڤی هێتە راگەهاندن ئەوا کو ژ کواشێ بۆ زاخۆ دهێتە ڤەگوهاستن و پرۆژەیێ راکێشانا وێ هێلێ ژی دێ کۆمپانیا ستێر پێ رابیت و ئەڤ چەندە ژی دێ بیتە رێیەکا باش باژێرێ زاخۆ بشێت مافێ خوەیێ دروستێ کارەبێ وەربگریت ژبەر کو ژبەریا نوکە کارەبا باژێرێ زاخۆ بتنێ ب ئێک هێلێ ڤە گرێدایی بوو و هێلا زاخۆ یا کارەبێ لەوا زاخۆ نەدشیا ب دروستی کاروبا بۆ دهێت وەربگریت .
