بەرەف كیڤە
ئیبراهیم بەرواری
بەرەف كیڤە
دێ مە بەی
پاپۆرا دونیایێ
سال لدیف سالێ دچن
هندەك د مرن و وهندەك دبن
چ بارە مە هەلگرتی
بوویە چیا
نە بۆ تەیە و نە بۆ من
مێڤانین ڤێ دونێایێ
چركەكە دەمێ باركەین
چوونەكا بێ زڤرین
بان و بن بان
دێ بیتە ئاخ
دێ هێیە ژبیركرن
تو و كریار هەڤالن
یان رۆناهی
یان تاری
سپیدا مە ئێڤارە
رەش وسپی دیارە
پاپۆر بەردەوامە
بۆ چوونێ
دەمێ سەعەت هات
دێ هیێە خوار
بێ پرسیار.
