بەرەڤان حەمدی: بنەمایێن كارێ مە پرەنسیپێن ڕێبازا بارزانی نە
ئامێدیێ، مەحمود نهێلی:
بەرەڤان حەمدی، بەرپرسێ لقێ 18 یێ پارتی د پەیڤەكی دا ل دەمێ ڤەكرنا خۆلەكا رەوشەنبیری ل ئامێدیێ دبێژیت: بنەمایێن كارێ مە پرەنسیپێن ڕێبازا بارزانینە، كو خودێ نیاسی و مرۆڤدوستی و نەتەوایەتی و نیشتمان پەروەریێ ب خوەڤە دگرن.
ناڤهاتی ئاماژە دا گرنگیا هەبوونا پلان و ئیرادێ و پێدڤیا مفا وەرگرتن ژ تەكنەلۆژیا سەردەم و سۆشیال میدیایێ و هەبوونا كادران د ناڤا خەلكی دا د هەمو رەوشان دا.
بەرپرسێ لقێ 18 چەندین تەوەرێن جودا بەحسكرن، مینا: پەیوەندیا ڕاستەوخوە یا بڕینا بودجەیا هەرێمێ و هەبوونا دوژمنان ل دەردۆرێن مە و رەوشا كوردستانێ و پەیدابوونا ڕەوشا ئەڤرۆ و قەیران و كارتێكرنێن وان ل سەر دەڤەرێ و كار و ئەركێ كادرێن پارتی د ڤێ رەوشێ دا و گۆت: “پێدڤیە بەرنامێ كارێ مە، پرەنسیپێن ڕێبازا بارزانی بن و كار و خەباتا مە یا زێدەتری 70 سالێن بۆری و كاركرن و بەرهەمێ كارێ مە یێ ئەڤرۆ ل گورەی خواستێن نەوەیێن داهاتی بیت”.
