بەرەڤان حەمدی: د ڤێ رەوشا نوكە دا پێدڤیە كوردستان یا خوەراگر و خودان ئیرادە بیت

ئامێدیێ، مەحمود نهێلی:

بەرەڤان حەمدی، بەرپرسێ لقێ 18 یێ پارتی د كۆمبوونەكێ دا ل گەل هەلبژێرێن گوندێن سنوورێ دەڤەرداریا ئامێدیێ، زێدەباری ڕەوشا كوردستانێ و ئیراقێ بەحس ل ئەرك و رۆلێ هەلبژێر و هەماهنگیا د ناڤبەرا هەلبێژ و حكومەتێ دا كر.
بەرپرسێ لقێ 18 خویا كر، مایتێكرنێن لایەنێن دەرەكی و بەزاندنا بەردەواما سنووران كارتێكرن ل سەر هەرێما كوردستانێ ژی كریە تا گەهشتیە بڕینا بودجەی و موشەكبارانا هەولێرا پایتەخت ژ لایێ پاسدارێن ئیرانێ ڤە و گۆت: “د ڕەوشەكا هوسا دا پێدڤیە كوردستان یا خوەراگر و خودان ئیرادە و بڕیار بیت”.
گۆتژی: “هەلبژێر وەك نوونەر دبیتە خەلەكا گەهاندنێ د ناڤبەرا تاخی یان گوندی و ئیدارێ، لەوما پێدڤیە ببیتە دەنگێ وان یێ ڕاستەقینە بێ جوداهی ب گەهاندنا ئەوا پێدڤی و د هەمان دەم ئەوا هاتیە كرن دیار و بەرچاڤ بكەت، تایبەت رەوشا دەڤەرا ئامێدیێ یا جودایە ژ هەر پارچەكا دی یا كوردستانێ، ژ بەر وێ یەكێ ئەم پێدڤی ب پتر هەماهنگی و هەڤكاریێینە دا كو بشێین ببینە پشتەڤان بۆ پتر خزمەتا خەلكێ خوە”.

کۆمێنتا تە