بەرهەڤییان بۆ تۆماركرنا ئەلبۆمەكا نوو دكەت
ئەڤرۆ
زنار تۆڤی:
هونەرمەند حەسەن شەریف، د دیدارەكێ دا بۆ رۆژناما ئەڤرۆ دا دیاركرن كو ل چەند رۆژێن بۆری وی نووترین كلیپا خۆ ب ناڤێ (وەرە دەرێ) بەلاڤكر، كو ژ پەیڤ و ئاوازا وی ب خۆیە، ل چەندین جهێن دهۆكێ وێنەكرینە.
ناڤهاتی دبیژیت: من ب ستایل و شێوازەكێ جۆدا ئەو ستران گۆتییە، و نوكە بەرهەڤییان بۆ بەلاڤكرنا ئەلبۆمەكا نوو دكەم،، كو ژ یازدە بۆ دوازدە سترانان پێك دهێن، هژمارەكا هەلبەستڤانان پەیڤ بۆ نڤیسینە و هندەك ژی كلاسیكن و من پلان هەیە هەتا كو ئەلبۆما خوە بەلاڤكەم هندەك سترانێن تاك ژی بەلاڤ بكەم و د ئەلبۆما نوودا دێ هەلبەستەكا مەلایێ باتەیی و ئێكا ئەمین بۆتانی، ل گەل سترانەكا محەمەد شێخۆیی و ئێكا سەعید گاباری بێژم و دێ هندەك سترانێن خوە ژی نووكەم، بۆ زانین نوكە هژمارەكا زۆر یا سترانان ل دەف من هەنە، بەلێ من بەلاڤ نەكرینە، هەروەسا پشتی ڤێ كلیپا نوو دێ سترانەكا كلاسیك بەلاڤ كەم و داخواز ژ من هاتییەكرن سترانێن دویت ژی ل گەل هندەك هونەرمەندان بێژم.
