بەسە ڕۆندکا بڕێژە
هونەر میڕایی
بەســـــــە ڕۆندکــــــا ب ڕێژە
دەردێ دلی بــــــۆ مــــن بێژە
دێ بم دەرمان بـۆ دەردێن تە
عینـــــادێ ژ دلـــی ب هاڤێژە
دەمـــەك درێـــــژە بێ دەنگی
بۆ ڤێ ئەشقێ تـــو نا جەنگی
بــۆ مـــــن بێـــــــــژە دا بزانم
کا بۆچی تـــــو یــا دل تەنگی؟
هندی بێـــژی دێ گوهـــدار بم
بۆ خەمێن تە دێ هەڤ پار بم
ڕازیمە ب خەمێـــــن دگەل تە
دێ ڕێڤینگــــــێ ڕێکــــا تاڕ بم
دێ دگـــــەل تەبم هەمی دەما
گەر سێ دانـــــا بخـــۆم خەما
چ جار تــــە نـــا هێلمــــە بتنێ
دێ تــــە خلاسکــــەم ژ ئەلەما
چ جار دەستــــا ژ تە بەرنادەم
تە ب مــــالێ دونیـــایێ نادەم
تەیــــرەك بم چەنــد بلند بفڕم
هــەر دێ ل هێلینــــا تە دادەم
کو تو هەیڤ بی ئەز ژی شەڤم
ژ ئەشقـــــا تە قـــــەت نا ڕەڤم
دێ دگەل تــــــە بم دەم و گاڤا
چ جارا ژ تــــە دیــــر نــــاکەڤم