بەشاری دڤێت وەکو جاران سووریێ برێڤە ببەت
ئەڤرۆ نیوز، هۆشەنگ تاجر:
فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا راگەهاند کو هەلویستێ ئەڤرۆکە یێ بەشاری ل دۆر رەتکرنا سیستەمێ لامەرکەزی بۆ سووریێ نیشا ددەت کو هێشتا ژی رژێما بەعسی ل سووریێ دڤێت وەکو بەرێ وەلاتی برێڤە ببەت و گۆت: (هەتا نها ژی رژێما سووریێ دانپێدان ب مافێ کوردان نەکریە، ب هزاران کورد ل سووریێ هەتا نها بێ ناسنامە نە، ژ بەر هندێ ژی هەلویستێ نها یێ بەشاری دێ رەوشا سووریێ ئالۆزتر کەت، چونکو مە بەری نها ژی گۆتیە هەتا کورد نەگەهنە مافێن خوە قەیرانا سووریێ چارەسەر نابیت).
ناڤهاتی ئەو یەک ژی راگەهاند کو هەلویستێ پەیەدێ و پەیوەندیێن وێ ل گەل رژێما سووریێ و هەروەسا پشتەڤانیا ئیرانێ و روسیا یا بەردەوام بۆ بەشاری وەسا کریە کو نها بەشاری دڤێت وەکو بەرێ سووریێ برێڤە ببەت.
