بەشار ئەسەد دێ ل گەل کوردان دەست ب دانوستاندن کەت
ئەڤرۆ نیوز:
سەرۆکێ لیژنا ئێمناهیێ یا پەرلەمانێ ئیرانێ راگەهاند کو بەشار ئەسەد بەرهەڤە ل گەل کوردێن سووریێ دەست ب هەڤدیتنان بکەت و گۆت: (بەشار ئەسەد دڤێت بزانیت کا کوردان چ دڤێت و ژ بەر هندێ ژی د دەمەکێ نێزیک دا دێ دانوستاندن د ناڤبەرا کوردان و شامێ دا دەستپێ کەن).
حشمەتوللا فەلاحەتپیشێ ئەو یەک ژی دیار کر کو کوردان نەڤێت ژ سووریێ جودا بن ژ بەر هندێ ژی ئەم پشتەڤانیێ ل دانوستاندنێن کوردان و شامێ دکەین و گۆت: (نابیت تورکیا هێرشی رۆژهەلاتێ فراتێ بکەت، چونکو ئەو یەک دێ رێ بەر کارەساتێن مەزن ڤەکەت و ئەم ل دژی هێرشێن تورکیا نە).
