بەشار رەمەزان: بۆ قۆناغا دویێ گەشبینم مانا خوە بپارێزین
د داخویانیەكێ دا راهێنەرێ تیما تێنسا ئەردی یا یانەیا دهۆك گەشبینییا خوە دیاركر بۆ قۆناغا دویێ یا خولا پلا نایابا تێنسا ل سەر مێزێ یا ئیراقێ مانا خوە پارێزن و خوسارەتیێن قۆناغا ئێكێ ب هێزا تیمێن بەرانبەر دا دیاركرن.
زێدەتر بەشار رەمەزن بۆ رۆژنامەیا ئەڤرۆ گۆت: د قۆناغا ئێكێ دا ئەم نەشیاین چو سەركەفتنان بەرانبەر یانەیێن هەڤڕكێن مە ئەوێن ل حەفتییا بۆری ل باژێرێ سلێمانیێ هاتیە كرن ئەڤچەندە ژی بۆ وێ یەكێ ڤەدگەڕیت كو ئەو یانە پیشەكارێن دەرڤەیی ئیراقێ ئینابوونە دناڤ رێزێن تیما خوە دا و دیسان یاریزانێن خودان شیان ل سەر ئاستێ ئیراقێ هەنە و كەمپێن دەرڤە بۆ دهێنە دانان كو هەر سال هەڤڕكێن ناسناڤی نە، د بەرانبەر دا تیما مە یا گەنجە و بۆ قۆناغا دویێ ئەز گەشبینم دێ مانا خوە پارێزین د خولا نایابا ئیراقێ دا.
هەروەسان ناڤهاتی گۆت: بۆ داهات یدێ مە پلانێن باشتر هەبن و بەرهەڤیێن رێكخستی پێخەمەت بشێن بگەهینە ئارمانجا خوە، ئەو تیمێن قۆناغا ئێكێ هەڤڕكێن ناسناڤی نە لێ یێن قۆناغا دویێ تا رادەیەكی ئاستێ وان وەكو یێن مەنە لەوما دێ كار ل سەر ئاستێ هونەری و لەشسڤكییا یاریزانێ خوە كەین ژبۆ پاراستنا مانا خوە.
بۆ زانین تیما دهۆكێ دگەل هەر ئێك ژ جەیش، سلێمانیە، برایەتی، حەشد ئەلشەعبی، كویە، ئەكاد، نەفت ئەلشیمال و غاز ئەلجنوب تووشی خوسارەتیێ بوو كو ژ سەرجەمێ پێنج یاریزانان بتنێ ب سێ یاریزان پشكداری كربوون ئەوژی نیبار ئەحمەد، هێژا بەشار و زانیار رەجەب ئەوێن بەرانبەر یانەیێن دی ئاستەنگ دیتی و نەشیان سەركەفتنان بینن، بڕیار قۆناغا دویێ قۆناغا دا دهۆك یاریێ بەرانبەر یانەیێن سیناعە، دەربەندیخان، سەماوە، زیقار یا تایبەتمەند، نەجەف، ئاشتی و برایەتی كەت، ل دووماهیێ تیما ئێكێ هەتا هەشتێ دێ دەربازبنە قۆناغا دووماهیێ و یاریێن وان بشێوەیی دو قۆناغ هێنە كرن.