بەشیرا دەروێش
بەشیرا دەروێش
نڤشێ بازانە
نەڤیێ عشتاران
مەزن دبن
هێڤێنا دێ و باڤان
ل سەر خاكا پیرۆز دنەخشینن
رستێن خەج خەجۆكان دهوونن
ب تیپێن زێرین نەخشەیا گەور
ل تابلۆیا شێوەكاران
ل سەر دیوارێ دەمی موهر دكن
ئەڤن
ئەڤن دەستە گولان
ب شاخێن زەیتوونان رە
ژ نبی هووری هلدگرن بەر ب ئەندارێ ڤە
ل سەر پرا بافل برێ دكەڤن
ل سەر گۆرا شێخ سەعیدێ پیران
قازی مهەمەد
بارزانیێ نەمر
ب هەڤرە
ب یەك دەستی
ب یەك دلی
داتینن
چاوا?!
چاوا دكارن رۆژا مە تاری بكن
چاوا دكارن
دەمارێ لەهەنگیێ هشك بكن
چاوا دكارن
چاڤ كانیێ هەزكرنێ زوهابكن
نە خێر
ئەم ل ڤرن
سەر خاكا خوەنە
نە هۆلاكۆ
نە تەتەران
نە چێلیێن گور و رۆڤیان
دكارن مە تنە بكن
ل سەر دێمێ من
گاڤ ب گاڤ
رۆژ ب رۆژ
رۆژ تیرێژێن خوە
ل ئانیا من
موهر دكە
ئەڤ چ خەونن
خەیالن
كو یارا من ژمن بستینن
قەلسبوون
نەكارێ مەیە
مێرانی
لەهەنگی بارا مەیە
سەرفەرازی دۆزا مە یە
سەرخوەبوون
هەر یا مەیە
سەركەفتن ل پێشیا مەیە.
