بەغدا دانپێدانێ ب زانكۆیێن ئەهلی ل هەرێمێ ناكەت
هەولێر، قائید میرۆ:
بریكارێ وەزارەتا خواندنا بلند ئاشكرا كر، بەغدا ژ بڕیارا دانپێدانانا ب زانكۆیێن ئەهلی ل هەرێما كوردستانێ پێشەمان بوویە و دبێژیت: ئەڤێ بڕیارێ چو كاریگەری ل سەر پرۆسا خواندنێ نابیت.
عەبدولفەتاح عەبدولڕەزاق، بریكارێ وەزارەتا خواندنا بلند و ڤەكۆلینێن زانستی بۆ رۆژناما ئەڤرۆ دیاركر، وەزارەتا خواندنا بلندا ئیراقێ ژ بڕیارا دانپێدانانا ب زانكۆیێن ئەهلی ل هەرێما كوردستانێ پێشەمان بوویە و گۆت: «بۆ ڤێ مەرەمێ نڤیسارەك ئاراستەی جڤاتا وەزیرێن ئیراقێ كریە، بەلێ هێشتا بڕیار ب فەرمی نەگەهشتیە هەرێما كوردستانێ، ئەم یێ بزاڤان بۆ چارەسەركرنا ئەڤێ ئاریشێ دكەین».
عەبدولفەتاح گۆتژی: «مە ئاریشە ل گەل زانكۆیێن ئێراقێ نینە، بەلێ هژمارەكا زانكۆیان ل كەركووك و نەینەوا هەنە، ئاستێ زانستیێ وانا وەكو پێدڤی نینە، ئەم دانپێدانێ ب باوەرنامەیێن وان ناكەین، بڕیارا بەغدا ژی چو كاریگەری ل سەر پرۆسا خواندنا زانكۆیێن ئەهلی ل هەرێمێ نابیت و مە منەت ب بەغدا نینە».
