بەغدا دێ 302 ملیار دینارێن دی بۆ ھەرێما کوردستانێ ھنێریت
ئەڤرۆ:
ئەندامەکێ لیژنا دارایی ل پەرلەمانێ عیراقێ ئاشکرا کر کو ژ بلی وان 548 ملیارێن بەغدا خستینە سەر حسابا بانکی یا ھەرێمێ پێدڤیە 302 ملیار دینارێن دی یێن بودجا نیسانێ بۆ ھەرێمێ بھنێریت.
مەسعود حەیدەر ئەندامێ لیژنا دارایی و ئابووری ل پەرلەمانێ عیراقێ بۆ (باسنیوز) دیار کریە کو حوکمەتا عیراقێ سەر ھنارتنا نەفتێ قانوون و رێسایان ھەمبەری ھەرێمێ بەرچاڤ ناکەت و گۆت “ل گۆر راپۆرتا وەزارەتا سامانێن سروشتی، ھەیڤا نیسانێ گەلەک ژ وێ زێدەتر ھاتیە ھنارتن یا کو رێککەفتن ل سەر ھاتیە کرن”.
مەسعود حەیدەر خویا ژی کر پارێ فرۆتنا نەفتێ یێ ھەیڤا نیسانێ دبیتە زێدەتر ژ 800 ملیار دیناران، ل دەمەکی حوکمەتا عیراقێ ٥٤٨ ملیار دینار ھنارتینە و گۆت “بەھرا ھەرێمێ ل گەل بۆدجێ پێشمەرگەی بۆ نیسانێ دبیتە زێدەتر ژ 850 ملیار دینار. ئانکو پێدڤیە دەبێت بەغدا 302 ملیار دینارێن دی ژی رەوانەی ھەرێمێ بکەت”.
