بەفرا چلێ هاڤینێ
شیان مەهدی كانیساركی
هەوە های ژ ڤێ مالقبوونێ نینە؟
ئەز نزانم..
ئەڤ چ چكبوونە
دەست ب سەر ڤێ هەناسەیێدا گرتی.
ئێدی ل ڤی گوندی، ل ڤێ كونجێ،
هەر تشت..
یێ هەڤدژی خوە..
دبەر ئاوازێن خەمگینێن
نالینێن ڤی كالە گەنجی ڕا،
ڕابووینە سەمایێ!
سەمایا ژ دەستدانێ و خەریبیێ.
ئەو بەفرا پار
ل گوندێ مە باری و
ڕەنییا وێ بەرهەمێ هەمی «سالان»
پرت و پیچ كری..
هێژ گەرماتییا وێ
ڕكاتییا وێ
هشكییا وێ
قەڕسینا وێ ئەز نەبەردامە..
هەر وەكی نوكە ل من باری.
